WAZIRI ABDALLAH ULEGA AWEKA JIWE LA MSINGI LA UJENZI WA BARABARA YA KILOLO

Posted on: October 1st, 2024

Ikiwa ni siku ya nne ya ziara ya Waziri wa Mifugo na Uvuvi, Abdallah Ulega ya kukagua,kuzindua miradi Oktoba 1, 2024. ameweka jiwe la msingi la ujenzi wa barabara za Kilolo Mjini kwa kiwango cha lami.

Akizungumza baada ya kuweka jiwe hilo la msingi, Waziri Ulega amesema Rais, Dkt. Samia Suluhu Hassan amedhamiria kuimarisha huduma za jamii kwa kujenga miundombinu mbalimbali ili wananchi waweze kufanya shughuli zao kwa wepesi huku akiwataka wananchi kuiunga mkono Serikali kwa kutunza vyema miundombinu hiyo ili iwasaidie katika kujiletea maendeleo yao.

Katika hatua nyingine, Waziri Ulega ametembelea Hospitali ya Wilaya ya Kilolo na kuzindua huduma katika majengo ya wodi ya wagonjwa wanaohitaji uangalizi wa karibu (ICU), jengo la kuhifadhia maiti na kukagua shughuli za ujenzi wa miundombinu katika Shule ya Sekondari Lugalo.