RC SERUKAMBA AGEUKA KUWA KAMBA, UKAMILISHAJI WA MIRADI YA ELIMU.

Posted on: January 23rd, 2025

Kutokana na kutokamilika Kwa miradi ya Elimu msingi na sekondari ,kusuasua Kwa mafundi kwenye maeneo ya miradi ni miongoni mwa vitu vilivyomfanya Mkuu wa Mkoa wa Iringa Mhe. Peter Serukamba kuwa mbogo na kugeuka kuwa Kamba kwa wakandarasi ambao bado hawajakamilisha miradi ya Elimu msingi na sekondari mkoani Iringa.

Hayo yamejili leo Januari 23, 2025 wakati wa ziara ya ukaguzi wa miradi ya maendeleo katika Halmashauri ya wilaya ya kilolo mkoani Iringa, ambapo akiwa kwenye ukaguzi huo amekuta miradi hiyo kutokukamilika ambaopo hapo awali wakaurugenzi walikubaliana na Mkuu wa Mkoa kuwa miradi hiyo itakamilika mwishoni mwa mwaka 2024.

Akizungumza wakati wa ukaguzi huo Mhe. Serukamba ameoneshwa hali ya kutoridhishwa na kasi iliyopo katika kukamilisha miradi hiyo ambapo amesema kuwa miradi hiyo inapaswa kukamilika Januari 31, 2025 ikiwemo shule ya Sekondari

Ikokoto iliyopo kata ya Ilula Wilaya ya Kilolo.

Aidha Mhe. Serukamba amemwagiza Mhandisi wa Halmashauri hiyo kuachana na tabia ya kukaa ofisini na badala yake kushinda na kusimamia miradi iliyopo katika halmashauri hiyo.

Mhe. Serukamba ameanza ziara ya kukagua miradi ya maendeleo leo ambapo atahitimisba ziara hiyo Februari 07 mwaka huu.