VIONGOZI WATAKIWA KUWAUNGANISHA WAMACHINGA

Posted on: March 3rd, 2024

Mkuu wa mkoa wa Iringa Mhe. Halima Dendego amewataka viongozi wa machinga kwa  Umoja wa Machinga SHIUMA na wale wa Iringa Machinga Network kukaa meza moja na kumaliza tofauti zilizopo ili kuwaweka pamoja machinga hao na kuepukana na makundi yaliyopo kwasasa.

 Akizungumza na machinga  wakati alipokutana nao kwa lengo la kusikiliza changamoto wanazokumbana nazo Mhe. Dendego baada ya kusikiliza pande zote mbili amewaomba viongozi hao kukaa kwa pamoja kuzungumza kwa nia njema ili kuwaunganisha machinga hawa waweze kufanya kazi na kujipatia kipato.

Pia Mhe. Dendego ameendelea kuwahimiza machinga hao kufanya kazi kwa bidiii kuacha kulalamika kwenye mitandao na badala yake wafike katika Ofisi za Serikali kuweza kuonana na viongozi kuwaelezea shida zao.

Nae kamanda wa Polisi Mkoa wa Iringa SACP Allan Bukumbi amewataka machinga hao kutumia vyema mitandao ya kijamii kwa lengo la kuwaingizia kipato na si kutumia mitandao hiyo kuleta migogoro kwenye jamii

Kikao hicho kimewahusisha viongozi wa Bodaboda,Bajaj,Daladala na Machinga wa Soko la Mlandege