MKUU WA MKOA WA IRINGA MHE, PETER JOSEPH SERUKAMBA ATOA AHADI YA KUTEMBELEA VIJIJI VYOTE MKOA WA IRINGA

Posted on: March 11th, 2024

Mkuu wa Mkoa wa Iringa, Mhe.Peter Joseph Serukamba ameomba ushirikiano kutoka kwa wananchi wa Mkoa wa Iringa na kuahidi atashirikiana nao katika kufanya kazi na kutatua Changamoto mbalimbali zilizopo Mkoani Iringa.

Akizungumza wakati wa makabidhiano ya Ofisi kati yake na Mkuu wa Mkoa wa Singida, amesema kuwa hatokuwa mtu wa kukaa Ofisini bali atatoka na kwenda vijijini kutatua changamoto za wananchi.

"Mimi sio Mkuu wa Mkoa wa kukaa ofisini hivyo tutakwenda vijijini mimi na Wakuu wa Wilaya ili kufikia mwezi wa saba tuwe tumekifikia kila kijiji na tumebaini changamoto zao na kuona namna ya kuzitatua",

Mhe.Serukamba anahamia Iringa akitokea Mkoa wa Singida akibadilishana na Aliyekuwa Mkuu wa Mkoa wa Iringa Mhe. Halima Dendego anayeenda Mkoani Singida.