Mkuu wa mkoa wa Iringa Mhe. Halima O. Dendego ametolea ufafanuzi taarifa zilizoenea kwenye mitandao ya kijaamii zilizojaa upotoshaji juu ya sekali ngazi ya Mkoa na wilaya kutoa maelekezo kwa watendaji kuvunja na kuharibu miundombinu ya wafanyabiashara.Mhe.Dendego ameyasema hayo wakati alipokuwa akizungumza na vyombo vya Habari ambapo amesema kuwa Serikali ya Wilaya na Mkoa haihusika na zoezi hilo lililoendeshwa kwa kutokufuata maelekezo rasmi yaliyotolewa na viongozi kwa lengo la kutengeneza mazingira rafiki kwa ajili ya wafanyabiashara.Pia Dendego amesema watu wote waliohusika kutoa maelekezo ya kufanya uharibifu huo na kuleta taharuki kwa wafanyabiashara watachukuliwa hatua kali za kisheria na kinidhamu.Sambamba na hayo Mkuu wa Mkoa amewataka watumishi kufanya kazi kwa kushirikishana ili kuleta tija na kuongeza ufanisi katika kuwatumikia wananchi.Imetolewa na Afisa habari Ofisi ya Mkuu wa Mkoa
Ikiwa ni wiki la Maadhimisho ya Usafi wa Mazingira Mkuu wa Mkoa Iringa Mhe. Halima O. Dendego akiwa ameambatana na Viongozi wa Afya amezindua Zahanati ya Itagutwa Iliyopo katika Halmashauri ya Wilaya ya Iringa Kata ya Kiwele na Kutembelea Shule Ya Msingi Kitapilimwa Kutazama Ujenzi Wa Vyoo Vilivyojenga na Jumuiya ya Uandisi na Uifadhi wa Mazingira EEPCO kwa kusaidiana na Halmashauri ya Wilaya ya Iringa kwa ufadhili wa UNICEFAkitoa taarifa ya Ujenzi wa Zahanati hiyo Mwakilishi wa EEPCO amesema kuwa shirika hilo lilipokea kiasi cha shilingi Bilioni Nne na Hamsini na hamsini na Nane na Mia Nane Kumi na Tano na Mianne Hamsini kutoka UNICEF ikiwa na lengo la kutekeleza miradi yam aji, Shule na Ujenzi wa Vituo vya Afya pia amesema lengo kuu la EEPCO ni kushirikiana na Serikali na Taasisi mbalimbali Duniani ili kuboresha uelewa na kujifunza mikakati mbalimbali ya kuhifadhi mazingira ni kutatua changamoto ya Mazingira mashuleni na katika vituo vya Afya.Akizindua Zahanati hiyo Mhe Halima Dendego ametoa shukurani kwa EEPCO kwa kazi kubwa wanayoifanya ya Kujitolea kuipambania jamii katika kujenga Zahanati, kujenga Vyoo katika shule na kazi nyingine wanazozifanya huku akiwaomba wananchi hao kuendelea kujitokeza katika kuleta maendeleo kwenye jamii kwa kujitolea katika ujenzi wa Shule na Zahanati na kutunza Miundombinu ambayo imeboreshwa na Shirika hilo na kuwa ahidi kuwa serikali ipo Pamoja nao katika kila jambo watakalotaka kulifanya.Pia Akiwa Katika Shule ya Msingi Kitapilimwa Mhe. Dendego amewapongeza wananchi wa eneo hilo kwa namna wanavyojitoa katika kwenye maendeleo ya elimu na kuwaahidi kuwa serikali ipo Pamoja nao kama Mkuu wa Mkoa atahakikisha wanashirikiana bega kwa bega katika kuboresha miundombinu ya shule hizo.Nao baadhi ya wananchi wametoa shukrani kwa serikali huku wakiwapongeza wauguzi waliopo katika zahanati hiyo kwa namna wanavyofanya kazi
